الا يا ويل من مثلي شهر ما نام لـو ليلـه .. يبـان الصبـح مـن حـر الالـم مـا نـام سهرانـي
علي اللي من ثلاث شهور ما جتني مراسيله .. قطع وصله وعودنـي علـى التفكيـر واشقانـي
قضى عمري وانا ما زلـت اعانـي مـن غرابيلـه .. يقرّبـي ويبعدنـي ويامرنـي وينهانـي
الي شفته بحلم الليل اقـوم ابكـي واناديلـه .. احسبـه جالـسٍ عنـدي وهـو بالنـوم لاقانـي
يهل الدمع من عيني الي من جيت ابحكيله .. واعجز انطق لخلي مـا بقلبـي واكتـم احزانـي
الا يا اهل الهوى كيف العمل ما الرأي ما الحيله .. على اللي صابني يا اهل الموده طال حرماني
ترى راعي الهوي يا اهل الهوي كلٍ يراعي له .. الي منه هرب عن شوف هذا شافـه الثانـي